كم من الجراح اصبت...وكم من الحب نلت؟؟؟؟

موضوع جامد جدا بس انا بحب واحد اوي اوي وبحترمه جدا واول مره في حياتي احب بجد كده وهو الحمد لله بيخاف ع شعوري وبيحترمني جدا يارب ما انحرم منه العمر كله وعمري ماهفكر في حد غيره ابدا ان شاء الله lol!

بس ع فكره مش اي حد يقول كلمه بحبك نصدقها ونثق فيه ولزم نتاكد من مشاعره ومشاعرنا معاه وميرسسي ع الموضوع الجامد ده

السلام عليكم فى الاول
اتمنى ان اى حد يكون طلع اللى فيه ارتاح ولو لجزء صغير لان دى مهمت التوبيك اساسا
بالنسبالك انتى يا نسمه انى قلتى الكلام الصح الحكايه كلها سلف ودين وكما تدين تدان
وهوا لو كان بيحبك كان هايتغير علشانك واكيد اللى بيحب بجد بيعامل اللى بيحبه معامله ماتعاملش بيها مع حد قبليه
انتى اخدتى الاختيار الصح اينعم هاتتعبى اوى اوى كمان بس هاترتاحى بعدين ودا يديكى درس انها تبقى خلاص كدا معاكى
مش اى حد ومش اى انسان
ماما قالتلى كلمه قبل كدا اخدتها درس اينعم ماعملتش بيها غير متاخر بس حكمه
قالتلى الخيرا فيما اختاره الله والانسان بيجيله اللى ربنا قاسمهوله وهوا فى مكانه
يعنى مش لازم ندور ونحب علشان نوصل لحياه احلى
مع ان كلامى دا انا اول واحدا مابعرفش اعمله ومش عارفا اعمل بيه
بس ادينى بتكلم كلام عقل وكلام صح ممكن انا كمان افكر فيه واعمله

اما بالنسبالك انتا يا ايجل فانتا حلك غير حلولنا خالص
احنا بنات بنبقى دايما بنحب اوى اوى ويم مابننجرح بتبقى نهايت الدنيا ومش بنبقى عارفين نفكر ولا نتصرف لكن بالنسبه للشباب
بيبقى حلها سهلاوى وعملى ومقنع كمان
انا مش هاقولك اعرف واحدا تانيه عشان تنساها والكلام دا انتا كدا هاتبقى بتظلم انسانه تانيه معاك
المهم انتا كل اللى لعيك الفتره دى كلها اقعد مع اصحابك كتير بس اصحابك الكويسين بس
اشغل نفسك باى حاجه هوا انا ماعرفش انتا فى ثانوى ولا جامعا الصراحه بس اشغل نفسك باى حاجه انزل اشتغل حاول تطلع حاجات جديده تعملها تشغلك عن التفكير فى الجرح صدقنى عشان انتا ماظلمتش هاتجيلك بنت الحلال اللى تحترمك وتحترم قلب حبها واداها حب كبير
ولحد الوقت دا ماتفكرش فى اى حاجه راحت فكر فى اللى جى
وزى ماصحبك ميدو قال انتا اكبر من انك تنجرح من واحدا سابت انسان محترم عشان تمشى مع سواق ميكروباص
بس دا كل اللى اقدر اقدمهولكم واللى فى ايدى اتمنا لكل واحد ربنا يخفف عنه
وانتى يا جهاد ربنا يخليلك ميدو يارب
وربنا يهدينا ويهدى الكل يارب

انا حبيت مرتين بسي مبنين على بعض

انا بقى حكايتى اغرب حكاية فيكم انا كنت بحب واحده مستمرتش علاقتنا اكتر من اسبوع المهم البنت دى كنت بحبها اوى فالما عرفت انها اتخطبت بعدت عنها وفي اليوم ده فضلت ماشي وبجد مكنتش عارف اعمل ايه بجد المهم اتعرفت يومها على ناس زبالة قعدت معاهم وانا منهار واقنعونى انى علشان انساها مفيش غير الحشيش والمخدرات المهم انا يومه شربت معاهم اليوم وكان علشا درس والمدرس بيسالنى طبعا معرفتش اجاوب وضربني وكانت فى واحده بتحبنى اوى فى الفترة دى اثناء ماكنت بحب انا الاولى بسي مش ده جرحى جرحى لسة جاى المهم البنت دى كانت معايا في الدرس ولما خلصت الدرس كنت دايخ اوى وانا ماشي نادتنى علشان اغسل راسي علشان افوق المهم فضلت معايا اليوم ده كله وسمعنى المهم هيا قالتلى يومها انها بتحبنى وانى مش لازم ارجع للأولى لا لازم اكلمها قالتلى انت لازم تفضل فترة كبيرة تنقي فيها نفسك المهم سابتنى وروحت وبعد فترة حسيت انى بحبها اوى واتصلت بزميلتها وعرفت عنوان بيتها ورحت عند بيتها وبعد كدة خليت زميلتها تتصل بيها علشان تطلع بسي من غير ماتعرفها انى برة المهم واول ماطلعت مشيت في عكس اتجاها وقربت منه اوى وقلتلها على فكرة انا بحبك اوى ومقدرش اعيش من غيرك فابصطلى وابتسمت وجت وقفت جمبي وقالتلى انها بتبحنى اوى وبجد عمرها ماهتزعلنى او تجرحنى وفضلنا طول السنة تتأرجح بنا سفينة الحب ونحلم بمستقبلنا سويا وكنت ديما بقولها انى مش مصدق ان في ملايكة عايشة بنا على الارض وكنت ديما بستعجب ان الملاك ده ملكى انا بجد حبيتها اوى لحد ماجه اليوم الى قالتلى فية اننا لازم نبعد عن بعض علشان اخواتها عرفو وعمل ليها مشاكل وقالتلى انها مستنيانى المهم انا عملت الى هيا عاوزاه انا بعد ماسبتها بفترة عملت حادسة المهم وعرفت من زمايالها وكانو كلهم جاينلى وفي عنيهم نظرة شفقة وبلغونى انها سبتنى علشان تمشي مع سواق على ميكروباص وهيا كانت بتحبو وجرحها وحلفت لاتجرح اي ولد اسمة محمد تعرفو وكان نصيبي معاها بجد كان أسوأ يوم في حياتى وبجد كنت هاموت يومها بسي يومها انا حلفت انى عمرى ماهدى الامان لاى حد غير لميدو صاحب المنتدى الى وقف معايا موقف موقفوش اي حد وبجد كنت حاس انه انجرح اكتر مى من الى هيا عملتة فيا وقالى انى لو شتمتها هاتفرح انى مجروح احنا هانقول انى انا وميدو كنا متراهنين عليها انها بنت زبالة ولما سالت ميدو عنى قالها انى اكبر من انى اتجرح من واحده زيك وبجد لولا ميدو كان زمانى ضعت وبجد بحب اشكرة اوى واتمنالة كل خير وبقولة انا ماليش صحاب غيرك يا ابو كنزى وربنا يخليلك ام كنزى وعاوز كمان اوصلها رسالة ميدو بيحبك اوى وفى النهاية انا اسف انى طولت عليكم بسي بجد انا لسه بحبها اوى ومش عارف اعمل اية فالوحد لية راى ياريت يبلغنى بيه

ميرسى ياريرى على الموضوع

طبعا انا مش هرد على قصتك لانى كلمتك فيها قبل كده

بس بقى هرد على سؤالك

بالنسبة انى حبيت كام مره فهما مرتين

بعد المره الاولى خلاص مكنتش مقتنعه بالحب اساسا وخلاص كنت ناوية محبش تانى

بس للاسف حبيت تانى وغصب عنى كنت بحاول فى الاول اخبى وابعد وكذا مره حاولت ابعد

قبل ماالموضوع يكبر جوايا بس قدرى انى مقدرتش ابعد وكملت لفترة معينه

بس من اول مابديت كنت مقتنعه بحاجه من الاتنين يااما انا اتجرح يااما الطرف التانى هو الى يتجرح

وانا كنت صريحه معاه وقولتله كده قالى من الناحية ديى متخافيش واطمنى فعلا كان لازم اطمن لانى كنت محتجاله

بتهيألى انى اعرفه من سنه ومتسرعتش لما ارتبطت بيه بس مظنش ان فيه ناس نآمن ليهم ونرتاح ليهم وهما يخونو كده

انا بس مشكلتى انه كدب عليا كذا مره فانا من الطبيعى مبقتش اصدق اى حاجه ليه ويمكن بكده اكون بظلمة

بس انا فعلا بشك فيه وده اللى مخلينى مش عايزه اديى كل حاجه لحد ميستهلهاش

انا لما بتخنق اوى من اقرب الناس ليا بكون عايزه الجأ ليه هو فتخيلو لو هو اللى خنقنى هلجأ لمين

انا مليش غير ربنا هو اللى هيقف جنبى على فكره انا اضعف مما تتخيلو والحب اللى انا حبيته ضعفنى مش قوانى

كان نفسى يكون هو مصدر قوة مش ضعف انا مهما عمل فيا مش قادره اكرهه او على الاقل محبوش

بس ساعات لما حد بينجرح بيخاف من كل الناس انا بقى بالنسبه للجرح فاانا اتجرحت فى المرتين وبتهيألى انا كنت متوقعه كده

بس مظنش انها كانت تيجى منه بس الجرح الاولانى انا اللى رفضت اديله فرصه يدافع عن نفسه ورفضت اكلمه اصلا حتى

كل اللى عندى فى البيت ظلموه وانا واثقه انه لسه بيحبنى لدلوقتى وهيموت ويرجعلى وعارفه انى بالنسباله دلوقتى مجرد حلم صعب يحققه

بس ليه بيجرح وجاى طالب انى اسامح صعب اسامح حد غلط فى حقى وده اللى مقدرتش اعمله للاولانى

بالنسبه بقى للتانى فده اديته كل حاجه مكنتش عاوزه منه حاجه غير انى اغير فيه اخليه انسان كويس وفى حاجات كتير كان بيعملها بدايقنى كنت مستعده

اغيرها فيه بس للاسف مكنش صادق معايا من الاول خبى عليا حاجه بعد كده اما عرفتها هو قالى انها تسلية وهو عارف انى مش مصدقه

بس للاسف انا فى فترة صدقته وخلاص نسيت ورجعتله وحتى مدتش فرصه لحد انه يخلينى اندم على قرارى

بس بعد اما رجعتله خلاص انا بثق فى الانسان ده وهو مبقاش هيكدب عليا تانى واكيد لو فى حاجه هيجى يقولى

للاسف لما اكتشف انه بيكدب عليا فى شىء تافهه ميستاهلش الكدب يبقى ايه رد فعلى انا بقى اتاكدت انه زيى مابيكدب عليا فى دي

اكيد بيكدب عليا فى كل حاجه وبالتالى ده مش حب ده خداع ياريتها جات على قد الكدب هو بنفسه كرر كلام فكرنى بجرحه تانى

انا كنت نسيت كل حاجه بس من كلمة واحده فكرنى كل حاجه وفكرنى قد ايه انا رخصت نفسى لحد كان غالى عليا وفى الاخر

اكون انا بالنسباله زيي زى اى واحده كلمها واتسلى بيها

وطبعا طريقه كلامه مع واحده بيتسلى بيها هى هى طريقة كلامه معايا يبقى حاجه من الاتنين يااما هو كان بيحبها زيى ماحبنى

يااما هو بيتسلى بيا زيى مااتسلى بيها وعلى فكره ده اللى خلانى ابعد عنه تانى ومسامحش

ويمكن ظروفى فى البيت هى اللى وقفت ضده دلوقتى انا لازم ارتاح نفسيا وبعدى عنه هيتعبنى شويه بس متأكده انى هنساه وهرتاح

وكمان انا مش ندمانه انى حبيته ولا انى سامحت ورجعت هو اللى هيخسرنى بس هيلاقى غيرى كتير يتسلى معاهم وهما كمان هيكونو بيتسلوا

وهى الحياة حلوه كده انا بقى هبعد لغاية اما انسى بس كل الحكاية انه عارف انى محبش اشيل ذنب حد فبيشيلنى ذنبه وبيعمل نفس اللى عمله قبل

على فكرة كلهم زيى بعض مفيش حد بيفرق عن حد التاريخ يعيد نفسه مكنتش اتمنى انى فى المرتين اتجرح

بس انا على فكره مش ندمانه ولا زعلانه وعلى فكره لاكرهت ولا واحد منهم كل واحد فيهم اخلصتله عشان انا مخلصه مش اكتر

بس اللى اديته كتير هو اللى انا حبيته تانى مره انا مكنتش بكلم الاولانى Crying or Very sad

بس انا مش هرجع لا لده ولا لده كل واحد فيهم لازم يلاقى اللى زيه

ويوم مايحبوا هيلاقوا اللى يتسلى بيهم اصل كله سلف ودين وكما تدين تدان

وكفايا كده بقى عشان مقطعش قلبكم ومعلش طولت عليكم

وتسلمى ياريرى على الموضوع

rendeer

انا نلت الحب من ناس كتير اولهم بابايا ومامتي لاني شفت في عنيهم احلي واجمل واسمي معاني الحب
تاني حاجه نلت الحب من اخويا اللي هوا اغلي حاجه عندي في الدنيا
تالت حاجه نلت الحب من اقاربي واخواتي ومع اني ماليش اصحاب كتير بس كل زمايلي الحمد لله رب العالمين بيحبوني
وكفايه حب ميدو ليا دي احلي حاجه في الدنيا كلها ولا ايه يانور؟؟؟؟؟؟ santa

والله انا مش انجرحت قبل كدا منه والحمد لله بيعاملني كويس اوي وبيخاف عليا اوي وهي مره واحده اللي حبيت فيها
ومعتقدش اني هحب تاني لان انا حبيت بجد
وعلشان هوا انسان محترم وملتزم وبيحبني ودا انا متاكده منه
مستحيل هيجرحني في يوم*******
وبتمني اني افضل معاه طول عمري*****لانه كل عمري
وشكرا علي الموضوع الجميل دا I love you

ِكرا يا نور على ردك بس والله انا عملت كدا والحمد لله محافظه على فروضى وبقرى قرآن وتفسيره كمان
بحاول اشغل نفسى باى حاجه
بس صدقينى مش قادره
بس عادى قل لن يصيبنا الا ماكتب الله لنا
يمكن دا احسن ليا وليه

اكيد نستحملك ياقمر

انا بجد حابه انى ارد على الموضوع ده عشانك بس ياريهام

بالنسبه لموضوعك فانا هقولك حاجه ربنا معاكى ويعينك ويلهمك الصبر ويعملك اللى فيه الخير دايما

انتى ياريهام محتاجه فترة بس عشان تقررى فيها انتى عايزه ايه عشان واضح من كلامك

انك مش عارفه تعملى ايه او مشتته مره عاوزه ترجعيله ومره لاء عشان اللى عمله معاكى

فاانا هقولك على حاجه انتى احسن حاجه تعمليها تقربى من ربنا اوى اوى لان مفيش حد هيقدر يساعدك غيره سبحانه وتعالى

ومفيش حد فى الدنيا ديى احن على عباده من الله سبحانه وتعالى

اتمنى انى مكونش طولت عليكى

تقبلو مرورى

دا مش موضوع
دا سؤال
وبعد ازن الكل
اللى عايز يشارك يعنى يجاوب عليى السؤال دا
انتا كام مره حبيت بجد
وكام مره انجرحت من حد حبيته بجد
وياريت لو حد عاوز يحكيلنا يكون جميل عشان نقدر نشاركه ونخفف عنه لو جزء بسيط من جرحه
وانا اول واحدا هابتدى
انا حبيت مره واحدا بس بجد
وعلى قد حبى ليه انجرحت اوى
هوا انسان جميل جدا
ومحترم جدا وعملى وعقلانى وكل حاجه حلوا كنت بحلم انى اشوفها فى انسان ارتبطت بيه
عشت معاه احلى ايام عشتها فى حياتى كلها
لدرجه انى نسيت حزن الدنيا اللى كان فيا والمشاكل اللى عندى بقى عندى الجرأه انى احلها واقف قدام اى حد ظالمنى
بس ماكانش بشخصيتى انا بشخصيته هوا
عملنى حاجات كتيرا اوى
وزود ثقتى فى نفسى
خلانى حافظت على دينى ودراستى
وخلا علاقتى بقت احسن مع عيلتى
حاجات كتيرا اوى اوى اوى اوى حسيتها معاه
اجمل احاسيس ومعانى للحب كانت فى علاقتى معاه وبرضه جوا اطار الاحترام
علاقتى بيه دامت حوالى ست شهور كانوا احلى ست شهور فى حياتى
وزى ماتعودت دايمافى حياتى انه على قد مابفرح لازم يجينى الحزن بنفس المقدار
فكانت زى مابيقولوا كدا ال final strike ليا
حسيت بالم كسر قلبى بجد
بعد ماكنت انا كل حاجه فى دنيته بقيت ولا حاجه ليه
بعد ماكان بيحسسنى انه دايما عاوزنى وبيتمنانى حسيت انى نكره فى حياته
وبدون اى سبب
بين يوم وليله ييجى يقولى انتى حاجه كبيرا عليا ودلوقتى مش هاقدر اتحمل مسئوليه كبيرا اوى كدا عليا
انا ماستهلكيش وانتى تستاهلى احسن منى
وكلام كتير كدا
ههههههههههههه بيضحك عليا بيقولى انا بحبك اوى بس مابقيتش عاوزك
كلمه جرحتنى اوى حسستنى انى غلطت غلطه كبيرا اوى يوم مافكرت انى اتنازل عن كرامتى واسمع كلمه زى دى
اينعم بحبه وحياتى بجد مابقتش متخيلاها مع غيره
بس مابقاش ينفع
اينعم بتعذب عذاب كبير اوى فى بعدى عنه بس مش قادرا ارجعله
بجد تعبانه من جوايا تعب كبير اوى
ههههههههههههههههههههههههه معلش عارفا انى كاتبا قصيده بس عارفا انكم هاتستحملونى
شكراااااااااا

» the meaning of lOvE